विद्यार्थी पत्रकारांचा निरोप समारोह कार्यक्रम संपन्न ; प्रा.मोहन मोरे सरांचे मानले आभार.

धुळे : झेड बी पाटील कॉलेज येथे पत्रकारितेचे शिक्षण घेत असणाऱ्या विद्यार्थ्यांचे निरोप समारोह कार्यक्रम संपन्न झाला या ठिकाणी प्रा. मोहन मोरे सर यांचा सत्कार करून व विद्यार्थ्यांनी भेटवस्तू देऊन सन्मानित करण्यात आले.

      सन 2023-24 ह्यावर्षी झेड बी पाटील कॉलेज येथे पत्रकारितेचे शिक्षण घेण्यासाठी अनेक विद्यार्थ्यांनी प्रवेश घेतला होता त्यासाठी गेल्या वर्षभरापासून पत्रकारितेचे शिक्षण देणारे प्रा.मोहन मोरे सर यांच्या सहवासात शिक्षणाचा कार्यकाळ कसा निघाला हे कळालेच नाही मोहन मोरे सर यांनी विध्यार्थ्यांना एका परिवाराच्या सदस्या सारखी वागणूक देऊन पत्रकार घडवत  असताना त्या ठिकाणी वर्षभर विद्यार्थ्यांना शिक्षणाची आवड निर्माण झाली. काही विद्यार्थ्यांनी अनेक वर्षानंतर पुन्हा विद्यार्थी असल्याचा अनुभव घेतला त्या ठिकाणी मान्यवर म्हणून दै.पोलीस शोध चे श्री. विष्णू जोंधळे, दै. पुण्यनगरीचे रुपेश जाधव, दै.दिव्य मराठी चे हर्षल सोनवणे हे उपस्थित होते व त्यांचादेखील सत्कार करण्यात आला. या ठिकाणी विद्यार्थी म्हणून घेतलेल्या अनुभवाबद्दल श्रद्धा मुर्तडकर , आकाश सोनवणे, विजय पाटील, पवार व इतर विद्यार्थ्यांनी आपली व्यथा मांडली या ठिकाणी आलेल्या मान्यवरांनी त्यांनी देखील पत्रकारितेचे शिक्षण घेत असताना मिळालेल्या अनुभवाची माहिती या ठिकाणी देण्यात आली व अनेक वर्षापासून प्रा.मोहन मोरे सर यांचा  मिळालेला उत्कृष्ट अनुभव विद्यार्थ्यांच्या समोर मांडला. व या ठिकाणी अखेर  प्रा. मोहन मोरे सर यांनी त्यांच्या जीवनशैलीतील घडामोडी सांगून विद्यार्थ्यांमध्ये नवीन ऊर्जा देण्याचे काम केले  विद्यार्थ्यांना निरोप देत असताना विद्यार्थ्यांचे सहकार्य व एकमेकांचे प्रेम याबद्दल बोलतांना मोरे सर भारावून गेले व त्यांनी अशी ग्वाही दिली की मी सदैव तुमच्या सोबत राहील तुम्हाला कुठेही अडचण आली तर त्यासाठी मी सज्ज राहील असे या ठिकाणी सांगितले.