भारतीय जनता पार्टीचे धुळे शहर जिल्हाध्यक्ष गजेंद्र अंपळकर यांच्यासह पाच जणांवर पोक्सो कायद्याअंतर्गत गुन्हा दाखल.

 

धुळे :हर हर महादेव व्यायाम शाळेच्या पैलवाणाने मुलीची छेड काढल्याने भारतीय जनता पार्टी चे धुळे अध्यक्ष गजेंद्र अंपळकर, माजी उपमहापौर कल्याणी अंपाळकर, सतीश अंपळकर यांच्यासह पाच जणांविरुद्ध पोस्को सह 354,324 अंतर्गत कोर्टाने गुन्हे दखल करण्याचे आदेश दिले आहेत.

ह्या प्रकरणासंदर्भात चाळीसगाव रोड पोलीस ठाण्यात रात्री पीडित गुन्हा नोंदवायला गेले असता पोलिसांनी त्यांची तक्रार नोंदवून घेतली नाही. उलट कल्याणी अंपळकर यांनी दाखल केलेली तक्रार नोंदवून घेत फिर्यादी, तिची आई व दोन्ही भावांना अटक केली. त्यामुळे त्यांना रिमांड होम मध्ये ठेवण्यात आले होते अशी माहिती पत्रकार परिषद येथे देण्यात आली आहे.

     अल्पवयीन पीडितेच्या बहिणीने कोर्टात धाव घेतल्याने हा आदेश पारित झाला आहे. त्या संदर्भात पत्रकार परिषद घेऊन माहिती दिली आहे कि अल्पवयीन मुलीचे लहान बहिण व भाऊ हे अंपळकर यांच्या हर हर महादेव या व्यायाम शाळेत कुस्ती शिकण्यासाठी जात असत. या ठिकाणी प्रशिक्षक म्हणून कार्यरत असलेल्या रितिक उर्फ दादू राजेंद्र राजपूत पीडित युवतीशी अंगलट करण्याचा प्रयत्न केला. तसेच ‘ तू मला आवडतेस मला तुझ्याशी लग्न करायचे’ असे सांगून आग्रह धरला.‘माझे ऐकले नाही तर तुझ्या परिवाराला जीवे ठार मारेल’ अशी धमकी ही दिली. 10 जानेवारी रोजी याच कारणावरून पीडिते सह तिची आई व कुटुंबातील सदस्यांना रस्त्यात अडवून पुन्हा जबरदस्ती करण्याचा प्रयत्न केला. तसेच पीडित युवतीशी अंगलट येण्याचाही प्रयत्न केला. आरडा ओरड करून स्वतःची सुटका करून घरी जात असताना गजेंद्र आंपळकर यांनी पोलिसात न जाण्याची धमकी दिली. मात्र तरीही पीडित युवतीची बहीण व तिची आई दोन्ही भावांसह चाळीसगाव रोड पोलीस ठाण्यात रात्री नऊ वाजता गेले असता पोलिसांनी त्यांची तक्रार नोंदवून घेतली नाही. उलट कल्याणी अंपळकर यांनी दाखल केलेली तक्रार नोंदवून घेत फिर्यादी, तिची आई व दोन्ही भावांना अटक केली. त्यामुळे त्यांना रिमांड होम मध्ये ठेवण्यात आले. या गुन्ह्यात फिर्यादीच्या वडिलांचे ही नाव गोवण्यात आल्याचे फिर्यादीने म्हटले आहे.

बाहेर आल्यानंतर पुन्हा चाळीसगाव रोड पोलिसांना विनंती करण्यात आली मात्र त्यांनी नकार दिल्याने या संदर्भात न्यायालयात अर्ज दाखल करण्यात आला. यावर न्यायालयाने खातर जमा करून पोक्सो सह भा. दं. वी 354,323,504,506(2),143,147,148,149 अन्वये गुन्हा दाखल करण्याचे आदेश दिले आहेत. संशयित आरोपीमध्ये हर हर महादेव व्यायाम शाळेचा कुस्ती प्रशिक्षक दादू राजपूत, गजेंद्र महादेव अंपळकर, कल्याणी सतीश अंपळकर, सुहास सतीश अंपळकर, जतिन उर्फ अजय आव्हाळे यांचा समावेश आहे.