डॉ. शोभा बच्छाव यांच्या प्रचारार्थ धुळ्यात आज उद्धव ठाकरेंची सभा.

 

धुळे : धुळे लोकसभेतील इंडिया व महाविकास आघाडीच्या उमेदवार डॉ.शोभाताई बच्छाव यांच्या प्रचारासाठी आज धुळ्यात महाराष्ट्राचे माजी मुख्यमंत्री उद्धव ठाकरे यांची बुलंद तोफ धडाडणार आहे .या निवडणुकीत उत्तर महाराष्ट्रातील पहिलीच मोठी सभा असल्याने सभेत शिवसेना पक्षप्रमुख उद्धव ठाकरे काय बोलणार याकडे महाराष्ट्राचे लक्ष लागून आहे.

माघारीनंतर लोकसभा निवडणुकीत रंग भरू लागला आहे.इंडिया व महविकास आघाडीने  शिवसेना ( उबाठा) पक्षप्रमुख उध्दव ठाकरे ,माजी मुख्यमंत्री यांच्या जाहीर प्रचार सभेचे आज दि .७ मे रोजी ३ वा आयोजन करण्यात आले आहे.यावेळी सभेला महाराष्ट्र प्रदेश काँग्रेस कमिटीचे प्रदेशाध्यक्ष आमदार नानाभाऊ पटोले  हे उपस्थित राहणार आहेत.सभा  टेक्निकल हायस्कूल , धुळे जेलसमोर,धुळे येथे होणार आहे .सभेला मतदार व तमाम जनतेने उपस्थित राहावे  असे आवाहन डॉ. शोभाताई बच्छाव आणि इंडिया व महविकास आघाडीच्या पदाधिकाऱ्यांनी केले आहे.